Testimonials

當日有 Science Class & Board Game Class ,Hayden 年紀係個度最細,其實未達到課堂最細年齡3 歲架,但校長好好,知我想佢感受下上堂氣氛,所以照俾我地參與學野 。我地兩個Class都有參與,Hayden 著上圍裙好搞笑,長度岩岩好 。首先係「#玩轉實驗室 」,由 Net Teacher負責教授,亦有助教幫手,Hayden同成班小朋友一齊體驗左幾個有趣既科學實驗 ,有 #鬥快轉水龍捲、玩火箭氣球同整船仔 ,其中轉水龍捲 睇到Hayden拍哂手掌 ,非常投入。整個課堂都係用英語教授,小朋友可以 #從活動中學習英文 ,雖然Hayden咁細個唔識聽,但 Teacher Simon 好有耐性,會捉住佢隻手同佢一齊做,呢個都係我最欣賞呢度既地方 。

之後到玩「桌上遊戲 」,呢個係 Graceful Hands 既 #新課程,同樣都係由 Net Teacher 負‍責教授,小朋友見到咁大張色彩繽紛既遊戲墊同咁大粒骰仔已經好興奮,課堂開始前老師先叫每位小朋友抽出一個動物公仔來代表自己既棋子,然後再講解玩法。小朋友除左擲骰仔同行棋鬥快去到終點外,亦需要抽卡去完成任務,非常有挑戰性,完全係 Edutainment。課堂中老師亦積極鼓勵小朋友讀一些英文生字,不過對於年紀細既Hayden有少少難度,如果3歲以上既小朋友會更適合玩。

上完堂Hayden仲同郭校長影相留念,校長非常和藹可親,好愛錫小朋友。 – Hayden's Mommy
小朋友充滿好奇心,唔知大家有無試比佢地試過做實驗呢?Bella話檸檬汁可以變白,好似白雪公主咁皮膚雪白。當日最令Bella印象深刻既就係其中一個講氧化既活動。外藉英語老師叫小朋友們將檸檬汁塗上蘋果其中一面。課堂最後就問小朋友蘋果變左咩色。講解比佢地知塗左檸檬汁可以保持新鮮唔變色。無塗檸檬汁一面就變成啡色。比小朋友自己動手做,能夠加深佢地既印象。Bella最近聽完白雪公主既故事,成日提起佢皮膚雪白。加上今次既實驗,就更加加深左佢對檸檬可以美白既功能喇。 – Bella's Mommy
第一次上堂係外藉老師,雖然一開始好似唔係好聽得明,無咩興趣不過後來發現有得參與有得玩,即刻好似又聽得明d英文咁! 所以小朋友都係要俾佢試多d,慢慢就會培養到d興趣,係要d耐性捉返佢返個位坐,陪住佢,講解佢聽,每次都係散場時候先驚覺好玩唔捨得走! – 小金's Mommy
我哋去咗Graceful Hands嘅黃埔分校體驗咗佢哋嘅科學實驗班,Logan化身小小科學家,由外籍老師帶領下一齊落手做咗幾組科學小實驗,Logan最鐘意係 Balloon Rocket 實驗,整個課堂都係用英語進行,小朋友們係超級興奮,Graceful Hands仲有好多唔同種類嘅課程例如 Board Games、科學實驗、cooking class 等我最欣賞的是以遊戲和體驗形式令小朋友學英文和生活知識,小朋友容易領悟又學得開心。 – Logan's Mommy
早前同奕臻參加左 Board Game Class & Science Class,奕臻年紀比較細,揀左 Board Game Class 參與,覺得比較合適。活動由 Net Teacher 負責,透過桌上遊戲,靈活學習趣味英語,擲骰仔同行棋學習數字,亦有抽咭仔轉輪盤完成一些指示,學習對答,雖然奕臻年紀少唔識聽,但 Net Teacher 好有耐性,亦遷就奕臻程度,等他可以投入參與,所以當天玩得好開心。

提外話,個日完左活動後,我在門囗整理物品時,有位將會上堂的家長同我傾計,佢話小朋友5歲,除左因為價錢優惠,係佢小朋友自己要求來上堂,覺得好有趣又學習到英語,所以覺得值得來上堂。 – Milk's Mommy
Noah參加左玩轉實驗室,聽個名都知同科學有關啦!無錯,但只係岩左一半炸,因為全個課堂都係由外籍老師英語教授,小朋友係玩樂同探索中學習英文,活動式教學真係會學得開心好多。Noah英文唔叻,但佢完全唔會抗拒,反而好enjoy!除左科學實驗,仲有利用桌上遊戲去學習英語。 – Noah's Mommy
由 NET Teacher 英語授課,初初我都擔心 QQ 會唔明白。穿好圍裙列隊入課室,老師以全英語生動地做實驗。QQ 年紀輕輕都無難度兼全程踴躍投入,專注嘗試每一個實驗 ! Graceful Hands 教職員耐心教導,雖然每位同學仔都有機會嘗試做實驗,見到老師因應學生而給予鼓勵作更大度嘗試,同一班都可因材施教嘅細心。QQ 帶著開心自信的笑容同老師講 ByeBye 離開課室。 – QQ's Mommy
帶兩姊弟上 #桌上遊戲班 !教室的大棋板及大骰子,令我與孩子都感到十分驚喜!遊戲中學習,加插 Phonics及數學,常識等元素,讓孩子渡過開心愉快的1小時!更立即問我往後是否繼續在這裡上課,外藉老師也非常細心! – Sammy
一一仲細,所以都好開始可以邀請埋我地去見識下,特別係我,學下關於如何教小朋友從生活上學習,課程係由Net teacher外國老師全英語教授,透過小朋友參與實驗,除了再從中學習科學原理,更同時學習英文,每個人都著住圍裙仔,一一著住望落非常搞笑,仲食埋做實驗用既蘋果添,
體驗後覺得好有趣,有別一般既學習模式,能夠令小朋友自行思考學習,增加興趣,更容易吸收知識。 – 一一's Mommy
好好彩妃頤有得體驗,有份做實驗同成班小朋友一齊學玩水龍捲,整船仔,同玩火箭汽球,未玩過既妃頤覺得好新奇,仲拍哂手掌,著起橙色圍裙好醒目,唔怕啲水水會彈濕身另外,全程由外籍老師英語教學邊玩實驗,邊教英文單字! – 妃頤's Mommy
孖寶仔仔們最近愛上了board game,尢其是哥哥, 不論大富翁, 飛行棋等等我哋細細個玩大的桌上遊戲, 都感興趣。 哥哥有時會拉埋細佬佬,爸b同我一齊玩, 可惜爸b同媽咪唔係時時都陪到佢玩, 得知Graceful Hands黃埔分校開了新課程「桌上遊戲」(Board Game Class), 一於帶他們去參加玩下喇。

不像我們平常於桌上玩開的大富翁一樣, 這個桌上遊戲在色彩繽紛的大型地墊上玩遊戲, 還有不同動物作棋子, 大大粒骰子, 非常吸引, 未開始遊戲孖寶已經非常興奮。這個課程不只是玩遊戲那麼簡單, 小朋友每擲完骰子, 便要去導師手中抽取2款卡牌, 1款卡牌是英文名詞, 另1款卡牌是以什麼方式說出這個英文名詞 (例如:spell the words, says the word 3 times, etcs), 從互動遊戲中學習英文, 又可訓練小朋友用英文表達的自信心, 寓學習於娛樂, 非常有趣好玩。這裡的課程全部都是由 Net teacher 全英語教授, 雖然有一些指令細佬佬不太明白, 但也玩得好開心。而哥哥當然是全程投入, 樂在其中, 返到家都不忘跟爸b分享這個桌上遊戲。

另外孖寶也參加了「玩轉實驗室」(Science Class), 化身小科學家大玩實驗遊戲,原來他們對各種實驗都大感興趣, 上課時非常專心投入, 更踴躍舉手爭取試玩機會,而導師對著年紀較小的學生也很有耐性, 值得一讚。孖寶仔仔們玩得開心之餘又學到英文。 – 孖寶仔仔's Parents
因為小豆妹得3歲多D, 所以去試下Graceful Hands Board Game Class, 俾佢從加大版既桌上遊戲,邊玩邊學數字同顏色... 點知小豆妹玩到唔捨得走,仲可以邊玩邊學英文,懶人媽媽表示物超所值,等佢大d, 仲諗住帶佢試下上Science Class,做下實驗,做個小小科學家。 – 小豆's Mommy
賣點1: 新奇好玩: 首先老師透過三大生字: 1) TORNADO 龍捲風 -加速水流 2) AIR 空氣 - 驅動氣球 3) Floating 錫紙小船 -浮沉原理,透過俾小朋友親手做實驗同時學生字,更以Battle形式增加趣味性, 從玩樂中探索科學既奧秘,每個小朋友都玩得好好好開心,

賣點2: NLP(神經語言程式學教學法) : Graceful Hands 用咗呢套教學法主要係提升人同人之間嘅溝通技巧,用積極正面嘅思維,多重思維觀點及從各個不同層級去觀想問題觸及問題,從而解決問題, 拓展更多選擇嘅可能性,人類既世界就係問題天天都多,所以米高媽媽特別BUY佢地套教法,呢個正正係小朋友將來喺人工智能世界既生存之道,我哋作為家長唔可以陪佢哋活到老,香港嘅填鴨式教學難以啟發佢哋創意思維,所以一定要嚴選課外活動,為佢哋腦袋增值從細學習,自我解決問題!

賣點3: Native English Teacher 有得大玩實驗,仲有外藉老師教英文,真正從玩樂中學習! 未夠鐘上堂 仲有Book corner俾小朋友睇住圖書! – 米高媽媽
茶爸帶茶茶去了Graceful Hands(黃埔分校)上科學實驗班,全英文授課,外籍老師帶著做咗不同的實驗,加上以互動同埋小朋友唔係得個睇字,對外界產生好奇的茶茶當然全神貫注啦,當日一共進行了三個實驗:1) 水漩渦:這個茶茶超鍾意玩,加上顏色豐富做成視覺衝擊力,吸引小朋友的眼球。老師更用競賽的方式讓茶茶更快的融入整個學習的過程當中! 2) 氣球推進器:茶茶最感興趣的環節,因為是用氣球來做! 3) 錫紙船:小朋友對水是有情意結,透過這活動更能理解浮力原理!利用遊戲讓茶茶明白到科學原理,真的好得意! – 茶茶's Mommy
早前分享過桌上遊戲是很適合用來訓練小朋友耐性及思考的親子活動!自從家姐喜歡上了玩桌上遊戲後,家裡便多了很多大大小小的board game。在家玩也不夠,早排更帶了她體驗了一個英語的桌上遊戲課程。

還沒有開始前,家姐已忙於在等候區的閲讀閣內看書warm up一下自己。一進入房間的時候她更被大大的game board及大大的骰子吸引著,已立即坐定定等待遊戲的開始。由於課程是由NET teacher帶領的,過程中除了玩遊戲外,老師還有些指令卡發問小朋友一些問題,引導他們思考之外,還可學習英語。

還有玩轉實驗室及小廚神的課程等等。覺得這些帶有玩樂味道的課程小朋友會比較喜歡上,實行遊戲中學習。 – 貓貓's Mommy
今次體驗活動分兩種,一種係桌上遊戲,一種係科學實驗!! 內容有: 1) 龍卷風,學習令水加速 2) 錫紙船,學浮沉 3)氣球驅動學氣壓,由Net Teacher用英文教受上課,每個小朋友都著上圍裙!!!太可愛了!好認真聽書嫁! 第一次接觸,呢樣野魔王覺得好得意!!所有野都好想試,但又唔敢舉手,問佢想唔想玩!!佢話想!其實,每一個小朋友都會有得嘗試,絕對冇漏任何一位! – 野魔王's Mommy
課堂係由 NET Teacher 教授,透過做下科學小實驗同遊戲黎學習英語慢熱既陳皮一開始只係坐係度觀察,直到第二個遊戲有佢鐘意既氣球出現先開始投入,最後仲有放小船遊戲,到落堂終於同老師熟絡,走去問老師幾時走!
另外仲有桌上實驗同親子烹任班,有機會一定再帶陳皮去玩過! – 陳皮's Mommy
Andreas has been extremely happy going to Graceful Hands, he absolutely loves it... he even misses it on off days! One of the things I like most about Graceful Hands is that they are always open to feedback and suggestions. The program is not static, it's always growing, evolving and improving because the center has good insight to the needs of their little students and is able to foresee the outcomes of implementing productive changes. – Andreas' Parent
Karson started to attend Graceful Hands as a toddler and after 5 years of attending English lessons at the center, Karson became an active and confident child when using English. Lessons taught at Graceful Hands gave him a strong foundation. Since the lessons taught at Graceful Hands are more advanced than the school’s syllabus, he is now the top student in his school with distinguishing grades. Karson does not have to spend much time reviewing to succeed on school exams, freeing time to develop other interests. I think the Reading Scheme has helped Karson develop a good habit of reading and at the same time to gain a sound knowledge through books. Not only am I pleased to see the success of my son, but most importantly, Karson is very happy to study at Graceful Hands. – Karson’s parent
好開心前幾日帶左雷小囡去 Graceful Hands 黃埔分校參加左個 Science Class 。其實今次試玩本身有得揀 Cooking Class 嘅,但因為我自己成日同佢煮野食,所以就報左科學堂俾佢玩下!
呢度環景真係好好。教材又多又新。而且真係非常欣賞老師們都超有愛心同耐性。點解咁講?大家都知雷小囡係超超超超超怕醜,勁勁勁勁勁勁慢熱,特別家姐唔係佢旁邊就更加乜人都唔啋! 所以佢冇乜邊次上堂係會好投入好合作,每次都係痴到我實一實! 今次都唔例外!(性格如此,我都唔會迫佢,所以想搵雷小囡試玩嘅請慎重考慮)
但老師真係好有耐性,完全冇因爲佢嘅不合作而放棄佢。仲好有耐性,教生字時仲專登講多幾次俾佢聽。雖然雷小囡依舊唔俾反應。但其實佢已經學左,放左入腦。返到屋企一睇片已經講講返個生字出嚟! 證明呢類思考型小朋友,佢雖然唔答你,但佢有學習緊。家姐都係同一類人。但往往呢類小朋友好容易被忽略,因為佢地看似不合作!沒反應!以種好多冇乜耐性嘅老師會唔想教佢地,直接略過就算! 所以一個有愛心有耐性嘅老師真係非常重要,我正正喺呢度搵到!Thanks Teacher Simon!
始終雯雯豬仲細,根本未達到報班要度最細年齡。所以我好欣賞Graceful Hands ,佢地set嘅年齡係4歲。真係有考慮清楚小朋友實際適合年紀,並冇為賺多你幾年錢就求其開班。粗制濫造。 – 雯雯's Mom
好耐都無帶過 Bella 出去玩,佢到左快28M呢個年齡 #渴玩指數非常高,日日都想往外跑……今日就帶左佢去上科學實驗堂,又整火山泡泡又整降落傘,有得玩好似放監咁興奮,早將課室禮儀秩序拋諸腦後,全堂又係要我捉佢,比我呻下啦我好攰哦……一個放極電都仲有,一個就老早斷電…但當見到佢嘅笑容我會好治愈啊! – Bella's Mom
Christopher 已在 Graceful Hands 就讀了四個月,在最近一次學校考試Christopher得到了99分的佳績。甚至班主任都認同他在英文運用上的信心提升了不少。因為在 Graceful Hands 的全方位英文課程學習上得到了有信心,所以他的閱讀和寫作能力都隨之而慢慢進步起來。再無需老師和家人強迫學習了。作為媽媽,每天只負責跟進他所做的家課,至於溫習測驗及考試,Christopher 都會自己主動做而不需我去粗心。 – Christopher's Parent
今次課堂嘅主題菜式嘅係Ella 嘅大愛Pizza!每個step,外籍導師 Patrick 都細心講解,非常有耐性,喺教小朋友整 pizza 嘅同時,亦都透過小遊戲去教英文生字,一個鐘嘅課堂,成個課室都充滿住歡笑聲,開心時刻過得特別快!
我一直覺得透過遊戲活動教學,小朋友會更加入腦,學到嘅有時比齋坐睇課本多。今次,Ella 可以將成個整 Pizza 嘅過程用英文同 Daddy 由頭講一次,仲要勁讚 Patrick 老師好 funny 添,佢仲好期待黎緊嘅 「玩轉實驗室」課程。
Ella's Mom
Mark (3 years old) joined the AEM English Builder Level 1 course at Graceful Hands in January 2014. After his weekly lessons, Mark always says to me "Mama, I just went to a party!". Hence I know that he is very happy at Graceful Hands. Nowadays, when I talk to him in English e.g. say the word Monday, he replies "M". He is getting a very good grasp of phonics. – Mark's Parent
今日同John仔去左位於黃埔花園既Graceful Hands,今次活動主題係烹飪同科學課程。
John仔就參加左烹飪活動。外藉老師會先帶小朋友清潔洗手,再慢慢講解整食物既每個步驟,等小朋友親自動手整野食,仲會同小朋友互動講解烹飪時接觸到既餐具。最後仲可以將焗好既食物入盒慢慢品嚐。
活動完成後,好親切既校長仲送左禮物比各位小朋友。成班小朋友都玩得好開心。 – John's Mom
第一次比心心上烹飪班做下小廚神整 pizza,同一班可愛嘅小朋友齊齊著好圍裙進入課室,感覺好得意。難得心心上堂可以專心地聽 Teacher Patrick 教導,老師的說話既生動又有趣,演釋全神令每位小朋友上堂也很開心同投入小朋友可以學英文又可以學識點樣運用刀切野,當然切食物時有家長陪同指導喇!
每位小朋友終於製作完成自己嘅 pizza,自己整自己食嘅感覺,真係特別好味架! – 心心's Mom
前幾日我就係帶左Bella去左Graceful Hands黃埔分校上科學實驗堂。
其實之前想參加佢地嘅烹飪班嫁,但諗諗下我呢個阿媽總算都可以同佢係屋企玩下煮野食,但就絕對唔識搞咁多科學理論之類嘅野出黎比佢玩所以好期待呢一堂到底有咩玩……
課堂中,外藉老師同佢地玩左三個遊戲,包括製造噴泡泡嘅火山、光線影子遊戲,同埋教佢地造降落傘…透過幾個簡單實驗令小朋友對物件嘅名稱加深印象,激發好奇心,而且每樣實驗都要佢地親手參與,協助佢地掌握過程步驟,同時趣味感亦十足!
呢D實驗雖然我都識……識哋嘅,但平時喺屋企就真係唔會有咁多工具、諗頭同時間設計喇,睇黎呢科都係交比經驗老師啦!
Bella's Mom
Our son has been extremely happy going to Graceful Hands, he absolutely loves it... he even misses it on the weekends. Marissa and Claire are fabulous teachers. They are wonderful with the children and with the parents as well. One of the things I like most about them is that they are always open to feedback and suggestions. The programs is not static, it's always changing, growing and improving because the teachers have good insights to the needs of their little students and are able to foresee the outcomes of implementing productive changes. Marissa and Claire have fostered an environment of genuine care and respect for the children, you can tell they love what they do and it shoes in the smiles of the kids they teach! I cannot say enough good things about them and in so doing the school as we. – Nathan's parent
上第一堂科學堂,之前都以為佢咩都唔會識玩,點知課程設計得十分有趣,林小姐好似突然開竅咁,每個遊戲都好熱烈參與,而且都做得唔錯啊,爸爸媽媽表示十分驚喜! – Mr and Mrs Lam
想搵出小朋友嘅興趣只有一個方法 , 就去不斷嘗試,不停俾機會佢哋去探索!帶林小姐去 Graceful Hands,上第一堂科學堂,之前都以為佢咩都唔會識玩,點知課程設計得十分有趣,林小姐好似突然開竅咁,每個遊戲都好熱烈參與,而且都做得唔錯啊,爸爸媽媽表示十分驚喜! – Mr and Mrs Lam
今次好特別因為是外籍老師黎架,開頭我都有D擔心丁丁同細細會驚,但丁丁超大膽,一嚟到見到外籍老師就已經識同老師打招呼,可能丁丁幼稚園本身都有幾位外籍老師,所以媽媽是白擔心了~~哈哈 ~ 而細細佬雖然係第一次上堂,但見到有家姐陪佢一齊玩,佢全程都好開心添!
外籍老師 Mr Patrick 超有愛心,一步一步慢慢用英文教小朋友整pizza,好鬼生動有趣!而且佢會坐低一齊玩,小朋友都好中意佢呢~~
響Graceful Hands上堂我覺得好好~
>會用心教小朋友自己用手摸食材,了解食材
>提供安全的兒童刀比大家試用
>教小朋友廚房用具、食物等的英文生字!

課堂安排得不錯,轉眼就完左一個鐘頭嘅cooking class,最尾丁丁同細細都食返自己整既pizza,超滿足超開心呀!丁丁話佢要返屋企再整比其他人食~~~~我地準備同埋丁丁朋友仔再去玩! – 丁丁's Mom
呢個烹飪班外籍老師負責,可以一路學煮嘢食一路學英文,一舉兩得,成個課堂都幾有趣。
開始之前先洗手, 之後老師就會介紹點做Pizza:先拎塊麵包,搓啲茄醬,加啲粟米,切腸仔,將腸仔放上Pizza ,鋪埋塊芝士,咁就搞掂可以入焗爐啦!
以為咁樣就落堂?當然未啦,之後老師會拎一啲英文字卡出嚟,叫小朋友每人抽一張,每張卡都係一個廚房用具嘅名(例如 mixer ,measuring spoon, peeler等等),之後老師就會逐個逐個字教大家,同埋講下每個用具點用!
之後個Pizza就搞掂!可以即時食,放埋入個盒拎返屋企食又得!成個課堂氣氛都好輕鬆,小朋友都好投入! – Natalie's Mother
我地去 Graceful Hands到上左人生第一堂既烹飪班,學做左pizza,平時我都好鍾意玩煮飯仔,今次第一次真係落手落腳整真係有唔同嫁。
著好哂圍裙,我地就乖乖地排排隊入課室,一入課室 Teacher Patrick 就同我地一齊洗洗手,確保我地手仔乾淨哂先去煮野食,整個課堂都係以英文授課,Teacher Patrick 非常之生動有趣,果日仲係我第一次用刀切食物,一路整嘅時候我一路已經想偷食喇。
最終既製成品,雖然個樣就唔係咁靚,但係都好好味嫁,成功成為小廚神,我都忍不住即場要食哂佢,完全無留到比爸爸B試食,我第一次親手整既pizza,整個課程我都上得好開心,好期待下次再去上堂。 – 旦旦's Mom
好開心帶了 Neil 和 Nikki 去 Graceful Hands 參加了人氣我係小廚神班。作為小吃貨的,一直對煮食有濃厚興趣,今次可以體驗,著上圍裙已經信心滿滿,課堂上外籍老師 Mr Patrick 耐心教導,笑容親切,小朋友一邊學一邊玩,生動講解經常逗得小朋友們嘻哈大笑,笑聲不斷,而且程度切合小朋友,成功感
等待焗熟成品時,會玩小遊戲,小朋友可加強課堂上的知識外,還學習到各種煮食用具的英文生字,活動教學,從遊戲中學習! – Neil 和 Nikki's Mom
小朋友透過活動學習英語, 玩得開心又學到野, 而媽媽們又可以互相交流, 一舉兩得。
我地參與嘅活動係 Cooking class 我係小廚神,唔止係整野食, 外藉 Net Teacher 教授 Patrick 以輕鬆風趣嘅手法同小朋友用英文交流,仲會教小朋友相關的英文字,活動中學習往往印象比書本中學習更深刻!
另外亦好高興認識到 Graceful Hands 嘅校長 Heide Kwok, Heide 係一位好有心嘅教育家,佢嘅教育理念我都好認同,而佢同 Teacher Patrick 一樣好鐘意小朋友,對住小朋友有耐性又溫柔。 – Pink Pink
濼濼係學校係廚師組,成日話識煮嘢食同煮俾我食!
星期六去咗 Graceful Hands 上 Star Chef Kitchen 我係小廚神,好好玩嘅親子活動!
Star Chef Kitchen 由 Net Teacher Mr. Patrick 教小朋友整 Pizza~ Mr. Patrick 好用心,好懂得帶動課堂氣氛,濼濼好投入! Pizza 唔難整,但對小孩嚟講就運用到好多運用小肌肉嘅技巧,搽醬汁、切食物、再放靚,都考耐性。
Mr. Patrick 把握每個機會教大家唔同用具同食物嘅 vocabulary。濼濼英文唔叻都好投入,仲好努力跟住 Mr. Patrick讀~ 焗 pizza 期間,仲玩埋遊戲教其他廚房用品嘅生字。濼濼玩完急不及待要食自己整嘅pizza,仲唔俾我食! – 濼濼's Mom
Going to Graceful Hands was my daughter’s first experience of care outside our home. Her experience there was so nurturing and stimulating that the transition to Kindergarten was smooth and exciting. She learned the nature of working and sharing with other children and how to communicate her needs. I feel grateful for the wonderful care my daughter received from the staff of Graceful Hands. My daughter loves the colorful teaching materials. – Josie’s parent
短短嘅一小時入面外籍老師 Teacher Simon 為小朋友預備咗三個不同嘅科學實驗,分別係火山爆發、光影遊戲同埋自製降落傘。
金寶湯好興奮呀,因為咁啱早排我教咗佢咩係火山爆發,佢淨係可以係 youtube 睇火山咋,原來屋企有嘅梳打粉、肥皂同埋醋已經可以整到火山爆發場面,連我都好驚奇呢!(不過阿仔問埋我啲熔岩同埋火去咗邊)。
另外早幾日同金寶湯講起太空人,提到地心吸力,自製降落傘呢 part 正好可以同佢再深入講解點樣利用空氣嘅阻力,令大氣層入面降落嘅物體減速下降,安全落地。
Teacher Simon 對住小朋友好有耐性,又多笑容,所以小朋友都好鍾意佢老師真係好重要㗎!如果小朋友對老師無好感,就唔會對上堂提起興趣。金寶湯夜晚返到屋企仲一直同 Daddy 講佢玩咗啲咩,證明呢一堂好 inspire 到佢。媽咪我都學識咗降落傘嘅英文字 parachute 真係獲益良多。
落堂後校長 Heide 準備咗茶點同小禮物俾大家,校長好 nice 呀,金寶湯見到我哋叫 Heide 做校長有啲愕然,可能佢估唔到除咗佢返學有校長外原來仲有其他校長。 – 金寶湯's Mom
來到Graceful Hands 的烹飪班製作屬於自己的 Pizza,小朋友先排隊洗手,然後 Patrick 老師清楚講解製作Pizza 的步驟,過程會向小朋友發問,互動,幾點好欣賞:
會學習用厨具,用兒童安全刀切食物
會加入問題,引發小朋友想像力,例如,甚麼蔬菜是黃色的?
小朋友可以發揮創意,用自己的方法去搽蕃茄醬,放粟米粒
在焗Pizza的過程,會加入認識厨具英文生字的活動,不會悶親小朋友和家長 – Yat Yat's Mom
In short, there are too many exemplary outcomes that I do not know where to begin. I believe that the resourceful system adheres to the needs of students and the advanced lesson plans has given Veniece a head start in her education. Not only is she one of the top students in her class but Veniece’s English language ability is quite obvious when compared to children of her age. Veniece’s remarkable dictation and spelling ability has left me in awe! As a mother, not only I am very proud to see the prime academic growth of my child but also the beaming confidence she has when she uses the language. Veniece really enjoys reading in her spare time and the Reading Scheme has provided an excellent guideline for us parents when shopping for books suitable for her level. – Veniece’s parent
因為之前小火子已經試過煮嘢食,今次比佢試下科學實驗,都是簡單的原理,但佢小朋友來說都幾有啟發性!
原來生活中簡單的物品也創作科學的原理,回家後也可與小朋友玩啊!
然後小火子看到上烹飪班小朋友手上美味嘅Pizza又嚷著也要整,好好!下次我們換上烹飪班吧! – 小火子's Mom
Akons 已在 Graceful Hands 參加 Creative Writing 課程半年了,作為媽媽的我,觀察到他的寫作技巧真的提升了不少。例如寫作時的思考時間明顯縮短了,創意亦比之前增加了許多。除此之外,我亦不難發現到 Graceful Hands 的老師是充滿愛心和責任感,願意為學生付出,而教學內容又能配合學生的程度而且生動有趣。 – Akons' Parent
今日好開心帶小石頭去左 Graceful Hands 最新的黃埔分校參加科學實驗班,小石頭戴起實驗室保護眼罩幾入型入格! 今日好開心跟外籍老師體驗 Action Classroom 的樂趣!短短一堂就學左3個小實驗喇!
小朋友可以體驗一下唔同物質加埋一齊所引起的化學作用光與影的配合,同埋地心吸力的初步概念,除左可以俾佢地在玩樂中學習,刺激思維之外,仲可以學埋英文,真係好開心啊!

小石頭's Mom
I really appreciate the structured and comprehensive English learning curriculum of Graceful Hands. My son started learning there since he was 4. This September, he has promoted to Primary 1, as he studied in a Chinese kindergarten I was a bit worried about whether he could catch up with the English study in Primary One or not. Surprisingly, he got Grade A in all school assessments and he completed almost all school assignments by himself. One time in examining his homework, I was surprised he could explain different words to me and that delighted me very much! Thank you, the teaching team of Graceful Hands. – Nick's Parent
想小朋友更容易學識一種語言,祕訣就係多聽多講,而最吸引佢地嘅方式當然係邊玩邊學!
課程由外藉 Net Teacher教授,以輕鬆風趣嘅手法同小朋友用英文一齊動動手,活動過程中都成日提到不同嘅 Vocabularies,而且鼓勵小朋友一齊講!
好喜歡呢度嘅老師會落手落腳捉住小朋友嘅手同佢地一齊做,亦好鍾意佢地積極鼓勵小朋友,所以阿桃都好enjoy好投入課程,仲不知不覺學左幾個英文詞彙添! – 桃仔's Mom
很好玩的班呢!上完仲不停講話要再整 Pizza
課堂由 NET teacher 以英文教授:
上堂開始時先教大家基本清潔
老師有趣地step by step教大家整pizza
當中仲有得讓小朋友安全學習使用兒童刀
老師仲有生動地教大家廚房用具英語
最後當然是享用製成品啦
這種課堂好有趣,有別一般 playgroup,所以學習吸收更快、學得更深刻!老師生動教學,各位小朋友上堂時都非常開心、投入~ 落堂後問阿仔:「你想唔想再上呀?」佢立即話:「我想再整 Pizza」
另外仲有 玩轉實驗室,下次要玩埋! – 海馬仔's Mom
It is almost a year since Mavis enrolled in English Builder. We are impressed by her progress. Mavis has acquired valuable skills such as how to communicate in English with her classmates and friends. She also learned how to control her emotions, is not more independent and cooperative. She is performing well in kindergarten and is outstanding in English subject. We totally agree to the assessment and observations made by teachers of Graceful Hands. We thank Graceful Hands for providing such nurturing environment for our kids – Maymay's parent
I just want to say that our son has thoroughly enjoyed his time at Graceful Hands. He says it is his favorite place to be and asks on a daily basis if it is a Graceful Hands day. This has brought great relief for my husband and I after seeing him be so upset about going to the other learning centers and now he is so excited and loves to talk about what he did at Graceful Hands and about the teachers that he has met. – Cirus' paren
澄兄呢兩年黎,差不多每日都坐喺廚房睇婆婆煮飯,有時都會幫手打蛋發蛋,今次終於有機會自己整一個 Pizza !
一堂8個小朋友 ,唔會太多人,老師可以照顧到每一個。雖然全英文,澄兄大部份時間都唔知老師講乜,但都好乖咁扮聽,再跟著哥哥姐姐做,都有版有眼!喺焗餅嘅時間,老師會同小朋友學習一d關於煮食嘅用具,有圖睇之餘,仲會用動作教佢地,可以加強印象! 期待下堂,唔知會煮乜呢! – 澄兄's Mom
ㄧ向非常認同學習唔ㄧ定要坐定定係課室,然後回家做一大堆功課,再加上排山倒海的測驗默書才有成效!小朋友有份參與才能夠投入,自然 pick up 得好!
烹飪班,課程由 Net Teacher 教授,以自然風趣嘅手法ㄧ邊講解,ㄧ邊鼓勵小朋友嘗試,花花同各位小朋友都玩得好投入!不用死記,不用抄寫就能學到新知識!
回到家中,花花看到daddy在切肉,她已立即記起 Teacher Patrick 講過嘅金句"Move your knife backward and forward, not up and down!!" 所以話能夠學以致用,方為皇道! – 花花's Mom
雖然我自己都係教班,但其實我都鐘意同寶貝甜心一齊去上堂架,好高興認識到,Graceful Hands 嘅校長 Heide Kwok,哈哈,when TeacherMom meets PrincipleMom,講教育可以係一個無盡嘅話題。Heide 係一位好有心嘅教育家,佢嘅教育理念我都好認同,而佢同 Teacher Patrick 一樣好鐘意小朋友,對住小朋友有耐性又溫柔。
Cooking Class 唔止係整野食,Mr. Patrick 堂上同小朋友英語交流,仲會教小朋友相關的英文字,活動中學習往往印象比書本中學習更深刻 !
今日寶貝甜心都玩得好開心,落堂都唔捨得食,話要今晚 join 埋爸B一齊食 ! – 許許與小Bella's Mom
Natalie(9 years old) has been studying the AEM English Master Level 2 program at Graceful Hands for 5 months. During this time, her confidence in English has gone up. Her exam results are now 90% and above.She has also developed a liking for English and reads more English books and watches English movies with subtitles. – Natalie's parent